Arna Petra Sverrisdóttir

10775686640_img_6158

10775580176_img_6163

10775530160_img_6150
Kaffi + Sörubiti … fullkomið combo

Ég og mín allra besat Magga Dís ákváðum að gefa hvor annari þennan dag í jólagjöf, baka Sörur, lakkrístoppa og hlusta á jólalög … besti dagur og ég mæli mikið með að gera eitthvað svona ef þið þurfið að létta á jólagjöfunum.

En auðvitað tók ég þessa uppskrift frá mömmu minni og systur hennar Huldu Björk, Sörusysturnar frægu. En á síðunni þeirra getið þið fundið fullt af flottum og skemmtilegum uppskriftum sem ég á eftir að prófa. Uppskriftina getiði lesið hér fyrir neðan eða á facebook síðunni þeirra hér.

Sörubotnar Sörusystra

1 pakki flórsykur (500g)

210 g eggjahvítur (6-7 egg)

500 g möndlumjöl (ekki hakkaðar heldur MJÖL!)

Ofnhiti 180°C eða 165°C á blæstri.

Ágætt að undirbúa ofnplöturnar og sníða til bökunarpappír áður en deigið er útbúið.

1. Vigtið eggjahvíturnar, passið að það fari ekki rauða saman við og því er best að setja eina í einu í litla skál og þaðan í skálina sem er á vigtinni. Rauðurnar á að geyma fyrir kremið. Átæðan fyrir því að ég vigta hvíturnar er að þá er ég örugg um að botnarnir verði eins og ég vil hafa þá, hvítumagnið er eini óvissuþátturinn í þessari uppskrift!

2. Setjið hvíturnar í hrærivélaskál og hellið flórsykrinum út í. Notið þeytarann. Setjið á lægstu stillingu í smá stund, stoppið svo vélina og losið allan fórsykur frá hliðunum með sleikju. Þeytið á hæstu stillingu í 7 mínútur! 

3. Á meðan verið er að þeyta hvítur og flórsykur á að setja möndlurnar í matvinnsluvél og vinna þær í mjöl. Ef þær eru bara gróftmuldar eða hakkaðar verða botnarnir viðkvæmari eftir bakstur og mikið um mulning sem smitast á súkkulaðihúðina og er bara ekki fallegt! Fyrir ykkur sem hafið ekki aðgang að matvinnsluvél fæst möndlumjöl í Stórkaup í 1 kg pokum svo ef á að taka vel á því og gera tvöfalda eru það þægileg kaup.

4. Þegar marensinn (já þetta er eins og marens) er fullþeyttur er vélin stöðvuð og möndlumjölinu hellt út í skálina og sett á lægstu stillingu í stutta stund eða um 15 sekúndur. Takið skálina frá vélinni og blandið mjölinu varlega saman við marensinn með sleikju, athugið að fara vel út í hliðar og í botninn og þó ekki megi vera að hræra mikið á þessu stigi er mjög mikilvægt að mjölið hafi blandast vel og vandlega.

5. Þá er komið að því að setja á bökunarplötuna. Ég nota 2 teskeiðar og vil hafa mínar litlar og dúllulegar og helst eins jafnstórar og mögulegt er. Það má raða nokkuð þétt á plötuna (hafið þó a.m.k. 2 sm á milli) og setjið í rétt sléttfulla skeið og skafið úr henni með hinni skeiðinni. Nú ef þið viljið hafa þær stærri þá er bara að stútfylla eða nota stærri skeiðar … muna bara að það gæti þurft að bæta við 1-2 mínútum við baksturstímann ef þær eru hafðar stærri. Þegar búið er að fylla plötuna er hún sett í ofninn og bakið í 11-13 mínútur. Fylgist vel með eftir 10 mín. og takið út þegar þær hafa aðeins tekið á sig gylltan tón.

Munið bara að halda ykkur vel við efnið og ekki taka neitt of langan tíma í að klára úr skálinni, gott að vera tilbúin með nýja plötu þegar sú fyrri er klár úr ofninum. 

Dragið bökunarpappírinn af plötunni og yfir á grind og takið ekki af pappírnum fyrr en hefur kólnað vel og botnarnir losna auðveldlega af.

Brettið nú upp ermarnar og góða skemmtun 🙂

Sörukrem

500 g smjör mjúkt, við stofuhita – MIKILVÆGT! 

150 g eggjarauður

2 dl vatn

200 g sykur

2 msk. agave síróp

1,5 tsk. eðal vanilludropar (eða bara gömlu góðu Kötlu)

4 msk. gott dökkt kakó

1 vanillustöng

1. Byrjið á að búa til síróp. Setjið vatn, sykur, agave síróp, vanilludropa og kakó í pott. Látið suðuna koma upp og hrærið á meðan. Kljúfið vanillustöngina eftir endilöngu, skafið vanillukornin úr og setjið út í pottinn og stöngina með. Hrærið reglulega í og látið malla nokkuð hressilega í 15-20 mín. eða þar til búbblurnar eru aðeins byrjaðar að þykkna. Passið að sjóði ekki of lengi … verður bara að þykkri leðju og blandast ekki vel! Hellið sírópinu í skál og hrærið af og til svo kólni hraðar.

 2. Þeytið nú eggjarauðurnar á hæsta í 5-7 mínútur.

 3. Þegar sírópið er orðið volgt (ok ég hef lent í því að hafa það of heitt og þá breytist þetta bara í eggjahrærukrem … rauðurnar eiga ekki að kokkast!) stillið þá hrærivélina á lægsta og hellið sírópinu í mjórri bunu út í. Stoppið eftir smá stund og skafið allt sírópið sem tekur nú upp á því að smyrjast í hliðarnar og blandið vel saman við. Skafið líka vel úr botninum. Setjið nú á hæsta í um hálfa mínútu. 

 4. Að lokum er mjúku – og þá meina ég vel mjúku smjörinu (ef er of stíft vill það fara í litla smjörkekki í kreminu og það er bara ekkert gott við það!)  bætt í nokkrum skömmtum í hrærivélaskálina á meðan hún þeytir rólega. Þegar allt smjörið er komið út í má smella á mesta hraða í um hálfa mínútu. Þá á kremið að vera orðið stíft og flott og tilbúið að maka því á litlu dúllubotnana 🙂

10771839856_img_6133

Súkkulaðið brætt

1. Setjið um 4 dl af súkkulaði í glerskál í örbylgjuna í um 1 mínútu. Takið skálina út og hrærið vel saman. Endurtakið leikinn í 1 mínútu í örbylgjunni.

2. Takið út og hrærið vel og ef allt súkkulaðið er að bráðna en eitthvað smá eftir smelli ég skálinni einu sinni enn og kannski ekki nema 15-30 sek. í einu. Þegar allt súkkulaðið er uppleyst tek ég skálina út og set nú um 1 dl af óbræddu súkkulaði saman við og hræri með góðri skeið þar til það bráðnar saman við. Ath. að svona skammt gæti þurft að laga tvisvar fyrir hverja uppskrift! Það á að hræra stöðugt eða þar til súkkulaðið er komið í 33-34°C … eða bara þar til það er orðið næstum kalt en ekki fingurvolgt! Mjög algengt er að súkkulaðið er haft of heitt og þá bara bráðnar smjörkremið! Það viljum við ekki

3. Þá er að dýfa smjörkremshattinum ofan í súkkulaðið og láta leka aðeins af áður en henni er komið fyrir á bakkanum. Þetta er voða fín leikfimi þar sem við viljum hylja smjörkremið en ekkert láta súkkulaðið ná langt inn á botninn. Verið með góðan rakan klút við hendina þegar þið hjúpið og strjúkið vel af fingrunum á milli, þannig verður hver kaka hrein og falleg og laus við kám.

4. Raðið nú kökunum eins þétt og óhætt er og þegar bakkinn er fullur fer hann aftur í ísskápinn. Það tekur um 30 mínútur fyrir súkkulaðið að stífna alveg áður en má raða kökunum í box og setja í frysti. Ég mæli með því að þú klippir til smjörpappír sem passar í ílátið og setjir á milli hæða. Þá færðu svo fallegar kökur og súkkulaðið smitast ekki af botninum.

10775237840_img_6154

Jááá þetta tók okkur byrjendurna ekki nema 6 klst. En við erum sjúklega stoltar af okkur því þær eru brjálaðslega góðar… NAMM! Og svo var þetta líka mjög gaman :):)  Takk fyrir daginn Magga mín, þetta er besta jólagjöfin að hafa átt svona dag með þér!!

ArnaPetra (undirskrift)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: